Predigt zur Jahreslosung 2024 auf Schwäbisch:

Liebe isch emmer ebbes was zwischa de Leit bassiert,

Liebe hòt emmer a Gegenieber,

oiner gibt Liebe, on dr ander griagt se.

On: Liebe isch a Tun-Wort.

Wenn Leit ebbes firanander deant,

on zwòr au amòl ohne drbei an sich selber zom denka –

nò kammer uf oimòl d’ Liebe säha!

Nò isch se nemme bloß a Gfiehl em Bauch odder rosarode Welkla irgendwo

weit weg.

Wenn d’ Leit anander em Aug bhaldet on gugget,

ob’s de andere guat gòht

odder was se velleicht grad brauchet – desch Liebe!