Predigt auf Schwäbisch zu Lukas 10,38-42:

Es gòht net drom,

d’ Marda on ihr Gschäft ronderz’macha.

Gwieß net.

Es gòht dòdrom,

was in jedem Moment grad `s Wichdichschde isch.

Eigentlich hòt dr Jesus d’ Marda eilada wella,

doch au nazomsitza on zuz’hera, was er zom saga hòt –

abber des hòt se, so vrmut i zumindescht,

en dem Moment net ferdichbròcht,

se hot’s weder sich selber noch dr Maria genna kenna.